惊悚电影《雨夜之徒》，近日于香港各区展开拍摄，据指新片故事灵感源自轰动一时嘅「雨夜屠夫」案，讲述 黄子华 扮演嘅主角「林雾云」服刑38年后获释出狱，同时社会上再度爆发作案手法极为相似嘅连环命案。
子华于新作中打破过往喜剧形象，挑战极具阴暗面同层次嘅角色同时，亦以一身充满年代感嘅沧桑造型，随剧组游走各区取景。继日前子华同林雪现身殡仪馆外拍摄后，紧接剧组又移师至佐敦知名人气餐厅取景，吸引大批途人围观。
除黄子华与林雪外，近日再有网民于深水埗街头，捕捉到影帝任达华踪影，只见佢化上极为震撼嘅老妆现身，加上华哥深邃眼神，令角色增加唔少神秘感，亦令人更期待佢同子华交手嘅戏份。
拍摄进行得如火如荼之际，11月1日咁啱系首度执导长片嘅导演 周殷廷 37岁生日。筹备本片长达8年嘅YT，虽然生日要喺工作中度过，但一众台前幕后工作人员就特意于紧张拍摄行程中，为佢送上蛋糕惊喜庆祝。
