薛家燕 呢日同 黎诺懿 一齐为台庆综艺《美食强人》担任嘉宾，而主题「黯然销魂饭」，就真系非家燕姐唔得喇，呢日佢仲以经典角色「味公主」打扮参与，老友大王 安德尊 亦即场现身探班，但系主持 陈豪 就笑大王踩场呀。
事隔几日大王又再现身《美食强人》录影现场，不过呢次就系负荆请罪，向主持们道歉。至于当日笑完家燕姐就即闪，呢日一听到老友又在场，佢就觉得非常奇怪，仲爆笑向味公主请罪呀。
节目中家燕姐仲提到，当年电影中自己起舞一段，原来系星爷临时要求加入，呢日亦于节目中重现。仲指当年拍摄现场冇音乐，只系以筷子水杯打拍子完成。至于识食又识煮嘅诺懿，呢次就身为神秘食客，一探美味叉烧煎蛋饭秘诀。
《美食强人》星期一至五晚 21:30 翡翠台