校长 谭咏麟 开完红馆骚之后仲忙过开骚前，四围游山玩水不突止，仲将keep fit抛诸脑后，频频叹美食，咁啱秋风起，食大闸蟹就最啱时候喇！
校长喺社交平台分享同明星足球队搞大闸蟹宴嘅相，当中见到黄日华、赵浚承、莫家淦、卫志豪、刘洋、李金凯等队员齐齐大快朵颐，连近日忙于同黄子华拍摄新戏《雨夜之徒》嘅任达华都惊喜现身。
席间唱家班Gary同刘洋除咗忙住食，都不忘唱歌助兴，校长开心写道：「本年度第一餐蟹宴和明星足球队。」校长本身系大闸蟹发烧友，几乎年年蟹季都会见到佢开心share食大闸蟹嘅相，早年更同温拿队友试过一晚食咗足足100只大闸蟹，唔怪得佢会笑自己系「食物焚化炉」喇。
