蔡卓妍 陈家乐 同 杨天宇 呢日出席一个网球活动，佢地嘅球技分别代表三个唔同程度，家乐系初哥、Angus已经有十几年球龄，而阿Sa就曾经半途而废再重新pick up返，阿Sa话十几年前已经接触网球，但因为工作忙疏于练习，所以球技一直停留喺BB班，疫情期间更加完全荒废，直至呢两年喺运动高手老公鼓励下先重新开始打波，阿Sa大赞老公球技精湛，就连对住老婆都唔留手，不过就因为球技相差太远，所以好少同老公一齐打波。
阿Sa同Angus近排一齐拍贺岁片，部戏内容同食有关，Angus系厨师，阿Sa就系吃货，又为食又爱批评，阿Sa因为拍戏增磅唔少，不过下个月Twins要开骚，所以佢已经开始努力keep fit，虽然依家已经唔会一味追求瘦就系靓，但就希望可以练返啲线条，有专业嘅健身教练老公督促，相信阿Sa好快可以达标啦！
