张敬轩 同 海儿 出席减碳活动，两人轮流献唱炒热现场气氛。轩仔年尾嘅澳门跨年演唱会门票一开售就被秒杀，佢预告稍后会喺香港再开骚，大家唯有听住佢呢日演唱嘅《骚灵情歌》、《放弃的界线》止下渴先啦！
海儿呢日唱咗《风的形状》同《友共情》，两首都系流行曲，事后海儿话好大压力好紧张，皆因见到轩仔在场，而轩仔就搞笑话因为自己系大前辈，所以海儿见到自己会紧张都好正常。
轩仔嘅爸爸日前突然面痺头晕，佢即时放低工作陪爸爸入院，轩仔透露爸爸血管有少少堵塞，不过整体状况ok，佢话爸爸系一个唔听话嘅老人家，又唔戒口，休息唔够又挂住玩电话，好彩平日妈妈照顾得好，只要听医生话好好休息，戒下口，应该好快就会康复。
