侧田 日前首次喺香港举行两场户外音乐会，吸引大批粉丝捧场，全场座无虚席。入行二十年加上已四年未返香港主场开骚，所以大家都好挂住侧田嘅歌声，呢两晚佢就送上连串经典作比大家，包括《男人KTV》、《KONG》、《命硬》、《美丽之罪》、《爽》等，总有一首可以引起你嘅共鸣。
侧田一向都好钟意大自然，所以呢次嘅舞台设计都系以沙滩、大自然为主题，营造户外度假亲亲大自然嘅感觉，喺呢种氛围下唱歌，侧田都觉得特别享受，而佢嘅造型亦配合整体风格，有草帽、亦有热带风pattern。
回望呢二十年嘅音乐路，侧田话自己都曾经荡失路，甚至行过唔少冤枉路，再次企返喺香港舞台，侧田都好感触，仲忍唔住流下男儿泪，相信陪佢行咗20年嘅歌迷一定都深有同感。
