澳娱综合澳门上葡京综合度假村呈献嘅《璀璨之城》进入结局周，剧情再有突破性发展，吴卓义同老婆 张曦雯 同 高海宁 喺大三巴见面，讲讲吓，Kelly仲激动到兜巴星高Ling。Kelly话拍剧难免会有呢啲动作场面，自己觉得最难嘅反而系心理关口，好彩大家都好专业，真正用力𠮶吓一take过就完成。
估唔到转个头高Ling就喺恋爱巷同旧情人阿Ron嚟个深情激咀，仲直落上埋床。对于阿Ron喺剧中呢种来者不拒嘅表现，Kelly酸溜溜话阿Ron因为太有礼貌先唔识拒绝，而阿Ron就强调自己所作所为都只系剧情需要，真人绝对唔会咁样。
剧集喺澳门实景拍摄期间，其实仲去咗好多地方，好似张智霖同高Ling倾偈嘅文化中心对出海旁都好舒服。唔知大家有冇留意到剧中亦有位真澳门人助阵，佢就系组合Soler嘅Julio，为咗角色佢特登剃咗须。Julio话好多谢张智霖提议揾佢演出，虽然自己中文唔多好，睇剧本有难度，但因为有足够时间准备，所以自己都满意表现。
《璀璨之城》星期一至五晚 20:30 翡翠台