台庆剧《璀璨之城》剧情越见紧张，张智霖 同 吴卓羲 兄弟间同两位官家少奶 高海宁 张曦雯嘅 斗争结局，好快就有分晓。而一众演员日前齐齐扮鬼扮马，同 江美仪 陈滢 蒋家旻 周志康 倪嘉雯 同 孔德贤 参与狼人杀游戏，正式系戏里戏外都要争斗，气氛刺激又紧张。
不过阿Ron就百厌故弄玄虚，加上大家都系资深演员，到底边个真边个假真系难以估计喇。佢仲因为第一次玩唔熟规则搞出笑料，而Kelly就自言系靠直觉咁话。高Ling游戏时仲惊到要剧中属于同一阵线嘅Jeannie求救保护呀。
剧情中Angel狠心落毒杀死老公 周志康 同 蔡一智 令人心寒，呢日阿康就直指心碎又凄凉，至于一直昏迷嘅Carmen就话似乎会遇到另一危机，叫大家要留意剧情呀。
《璀璨之城》星期一至五晚 20:30 翡翠台