实力女歌手 黄洛妍 宣布，佢主唱嘅台庆剧《璀璨之城》片尾曲 《Black Velvet Tide》，官方MV，星期五就正式首播。今次MV更系创先河，系香港首个完全由歌手个人独立创作、全程利用AI技术生成嘅MV。
Janees今次可以话实现个人创作梦想，制作由佢本人亲自独担大旗，打破过往主流音乐嘅传统框架，将极具实验性嘅想像化为现实。MV发布亦特别选于剧集大结局之后，为全剧压轴高潮结局产场生终极回响。
今次《Black Velvet Tide》大胆引用香港乐坛罕见嘅风格，亦打破过往香港电视剧集歌曲嘅既定公式。歌曲摒弃传统抒情套路，以极富电影感嘅高概念编曲，全曲充满前卫电子元素、弥漫住诡秘氛围、渗透暗黑浪漫。
