当年掀起无尽笑声嘅《超时空男臣》新一辑正式开镜，呢日 萧正楠 曹永廉 何广沛 就齐齐以古装扮相现身开镜仪式，虽然同上一辑相隔十年，不过三兄弟再合体原来仲著得返当年戏服，更勾起当年拍摄嘅有趣回忆。
阿萧仲指今次有唔少古装造型，故事仲会穿插古今，仲有大家特别搅尽脑汁创作嘅无尽笑料，仲话希望重现上一辑嘅经典笑料。
新加入嘅戴祖仪过往不时自称公主，今次新剧就终于名正言顺成为真．公主喇，佢仲话希望有机会扮演奸妃，而 赖慰玲 同 冼靖峰 同样新加入，仲话拍摄期间好玩又好笑，大家更加要时刻准备反击阿萧阿廉嘅爆肚突击，拍剧经验最少嘅Archie就话自己惨被整蛊喇。
