冯德伦 胡杏儿 周秀娜 袁澧林 出席有份主演嘅电影首映礼，大家仲为即将生日嘅杏儿预祝，而呢晚杏儿嘅老公同一众圈中好友都有嚟捧场。
Stephen嘅颜值一直公认系男神，不过戏中对手胡杏儿就力抗型男魅力，对Stephen唔单止霸气十足，仲郁手打佢。杏儿话自己完全无留力，所以拍完一刻都即刻好担心整亲拍档。
早前 袁澧林 发长文公开曾经喺片场同埋工作期间遇到性骚扰，引发讨论之余，令佢最大得著嘅就系可以帮到人。佢表示事件曝光后，获得超出想像嘅关注，佢话自己亦收到好多朋友DM。Angela话最牵动佢情绪，就系能够鼓励到好多人勇于发声，有啲人甚至答应会壮大自己嘅心脏，希望令个世界变得更美好。
