钟柔美曾比特齐以新发型现身 Mike跌银包失爆炸头证件叹可惜

嚟到年尾，又系乐坛派发成绩表嘅时候，呢日一个电台举行颁奖礼记招，一众歌手聚首一堂，好似有 周吉佩 冼靖峰 张驰豪 MYNT魔音女团 李幸倪 泳儿 曾比特 何晋乐 冯熙燮 柯雨霏 胡子贝 涂家尧等等。

以短发Look现身嘅Yumi令人眼前一亮，连身旁嘅 詹天文 都大赞呢个新形象好可爱，第一眼见到佢仲差啲认唔到，而Yumi就话自己一直都好想尝试呢个发型，所以佢都希望呢个造型可以带比大家新鲜感。

而同样换咗新发型嘅曾比特，大家又认唔认到佢呢？有网民话阿Mike剪咗佢嘅招牌爆炸头后，竟然同金马影后 钟雪莹 撞样，除咗形象有变之外，阿Mike最近连银包都要换新，因为佢大头虾唔见咗银包，搞到里面啲证件都无晒，最可惜系当年佢嘅爆炸头look身分证同扎辫look回乡证都唔见晒呀。

今年首次以歌手身份出席颁奖礼嘅MYNT魔音女团，佢哋都觉得好兴奋，佢哋仲预告好快会推出唱跳快歌，而家正密集式练舞。至于MV会喺边到拍？佢哋就话暂时未知，只系知道嚟紧会去韩国工作。

今年成绩唔错嘅 黄淑蔓  就话会以平常心面对赛果，佢而家反而想专注准备佢嚟紧嘅音乐会呀。