姚焯菲Chantel 正喺美国攻读大学二年级，宠粉嘅佢不时都会喺社交平台同粉丝分享留学生活嘅日常。而喺啱啱过去嘅万圣节，Chantel就同朋友一齐开睡衣派对庆祝，佢仲大方晒出多张睡衣照。
头戴毛毛眼罩嘅Chantel与朋友头贴头合照，做出俏皮鬼马表情。Chantel身穿嘅粉色吊带睡衣带有荷叶边设计，配搭白色喱士袜带，充满小性感之余亦拥有活泼嘅少女气息，令有「小公主」之称嘅Chantel更加可爱甜美。
Chantel呢个Post亦吸引吕慧仪、钟柔美大赞佢「Cute到爆」，而「小菲象」就大派心心，表示「小公主长大了」、「菲姐果然瞓觉是无敌，呢个睡美人真系靓到不得了」，仲话Chantel性感得嚟好可爱。
