吕慧仪 日前因为同 张景淳 齐齐Post出返电视城开工嘅限时动态，而被网民猜测「龚水」合体原因，两位其实只系喺节目《好嘢港多啲》大玩食字合体。阿蟹仲喺社交平台分享拍摄当日，偶遇熟悉嘅工作人员，仲话收工返屋企后即刻收看《爱・回家之三代同糖》。
myTV SUPER重温《好嘢港多啲》
《爱・回家之开心速递》八月初结局后，阿蟹嘅工作依然忙到冇时停，除咗飞到英国嘅剑桥大学演讲外，佢主演嘅舞台剧亦喺深圳圆满落幕，初次踏台板嘅阿蟹心情既紧张又兴奋。
myTV SUPER重温《爱．回家之开心速递》搞笑剧情
虽然忙碌，不过阿蟹都好珍惜亲子时光，以及同朋友相处嘅时间，最近佢分享工作点滴以及同朋友聚会心情，表示：「我喜欢忙碌的日程❤️在教育中心马拉松式开会，喝了两杯咖啡，再为客户的短视频拍摄，然后有人等我放工，好好地享受甜品，非常幸福。」
