影帝 张家辉 宣布勇闯红馆，喺明年农历新年举行一连三场集合「笑、唱、跳」嘅大型娱乐表演，呢次更系佢出道38年首登红馆。
为隆重其事，家辉早前率领一众影迷耳熟能详嘅经典角色，包括《激战》贱辉、《赎梦》蔡辛强、《赌侠1999》化骨龙、《金鸡SSS》哥顿哥及《陀地驱魔人》发仔，冒雨夜闯红馆拍摄宣传片，大玩回忆杀。
呢次将咁多个经典角色「大晒冷」，家辉就话「当然有特别企图」而佢亦希望令大家感到惊喜之余，亦可以勾起对以往角色嘅回忆。至于观众睇呢个骚时会有咩观感？就要等个骚诞生先知。
家辉坦言，自己从发过「歌手梦」，但舞台为佢带嚟意想不到嘅契机，所以佢都希望呢个骚并唔系一个单纯演唱会，自己亦唔会用演唱会嘅形式嚟呈现表演。家辉更预告到时会有惊喜爆笑演出，而在舞台效果、演出安排亦有特别巧思，希望将「笑、唱、跳」结合，为观众带嚟欢乐新年。
