台庆综艺节目《弊家伙！有嘢唔见咗！》考验一众参赛者嘅记忆力，喺两位助理 甄敏芳 同 林智乐 嘅协助下， 陈展鹏 就首次单挑大梁做综艺游戏节目主持，佢都觉得系一大挑战！仲话估唔到有机会再尝试新工作，展鹏又向好友 姚子羚 取经，子羚觉得一个人做游戏节目主持绝对唔易，但系对展鹏有信心。
游戏玩法会将经典电视同历史地标等画面，用AI抺走一部份，从而考验大家记性。出名记性好嘅 陈豪 信心十足，扬言会胜出节目仲会独吞奖金，而 傅嘉莉 就叫阿Mo手下留情，若果获得奖金，会喺新剧《玫瑰战争》宣传时请大家食嘢。
陈桢怡 直认对美容饮食旅游等节目有印象之外，其他都嘢都冇印象，唯有靠队友帮手。 黄庭锋 都话知道赛制后同样欠缺信心，好彩同组嘅 吴沚默 同 陈星妤 都系才女，所以就放心交畀佢哋，自己坐喺度等赢。
