又到每个星期嘅《电影泉攻略》，主持 王镇泉 带你紧贴最新电影资讯。
DC Studios嘅CEO James Gunn早前喺接受访问时大方表示，距离新一代蝙蝠侠选角时间不远，而且佢仲表示明星知名度绝对唔系选角嘅考虑重点，亦预计蝙蝠侠嘅年龄同饰演超人嘅David Corenswet唔会相差太远，所以外间估计，应该系喺30至25岁之间。James 又话，只要人选合适，即使之前演过DC角色，佢都一样会照用。
喺DCU之中，令大家关心嘅角色仲有由Margot Robbie饰演嘅小丑女会唔会留喺新嘅DC宇宙，James都有提及。佢话因为仲未确定小丑嘅故事，所以小丑女会唔会列入DCU正史，都系未知之数。James仲话，唔知Margot仲想唔想演呢个角色，而且Margot名气已经比起之前更大，所以一切都要睇Margot决定，但只要Margot一句想演，佢绝对会推翻所有计划，解释小丑女嘅回归。
新片速递：
《哥斯拉-0.0》：人类嘅罪与罚已经无法归零，战争将日本粉碎至「零」，哥斯拉嘅袭击更将佢推至「负」嘅绝境。时间嚟到两年后，人类历尽痛苦磨难，仍坚持复苏嘅步伐，看似终于可以回归正常生活，但呢个时候巨兽再次来袭，彻底摧毁呢份希望，将人类推向新嘅绝望深渊！
《重生2》：梁洛施主演电影，讲述喺一处异国土地上，权贵只手遮天，希拉嘅孩子成为不幸牺牲品。佢遇到同样承受丧亲之痛嘅苏诚，两个互不相识嘅人因为同样伤痛而并肩而行，决心以命相搏，查明孩子受害嘅真相，向幕后罪魁佐曼、佐克父子发起复仇。随复仇棋子一步步落下，一桩远比想像更加黑暗、更加骇人嘅阴谋亦逐渐浮出水面。
票房龙虎榜，截至11月4号中午，第一位《善男信女》；第二位《我阿爹想旅行》；第三位《泥面人》。
