踏入年尾，又系乐坛陆续颁发成绩表嘅时候，呢晚一众歌手现身一个颁奖礼，曾谱词创作《万水千山总是情》、《铁血丹心》等经典歌曲嘅 邓伟雄 博士，喺 许冠文 手中接过「音乐成就大奖」，阿姐 汪明荃 亦盛装出席见证邓博士高光一刻。阿姐话当年拍剧集时，邓博士为佢写咗好多大受欢迎嘅经典歌曲，几十年以来，每次开骚都会唱，《万水千山总是情》更加系红足几十年。
RubberBand 获得「最佳乐队演绎」奖，而最令佢哋惊喜嘅事，就系由 叶世荣 颁奖。阿伟话事前唔知世荣在场，觉得非常开心。6号话廿几年前做见习导演时，世荣曾经担任一个短剧嘅男主角，相隔廿几年再见，由当年自己寂寂无名嘅人，到今日喺佢手中接过奖，感觉好特别。泥鯭话读书时日日都听Beyond嘅歌，今次世荣出世喺身边，好兴奋。
黄淑蔓 首次参与呢个乐坛盛事，兼且有两个奖项入围五强，即使空手而回，但佢话自己已经好开心，会定下目标继续努力，陈健安 同样无谂过填词人奖会入围五强，因为今次系佢第二次填词，所以跻身五强已经当赢咗。
