尹景顺嫌粉丝太热情被吓倒 向郭富城自荐做暖场嘉宾

早前获颁「杰出区域艺人奖」嘅中声唱将 尹景顺，呢日同 吴亦伟 双剑合壁现身一个晚宴担任表演嘉宾，两人一开声就带动全场高涨情绪，大家仲蜂拥到台边热情支持。

不过景顺对呢个场面竟然唔太受落，仲话粉丝太热情令佢吓倒，呼吁歌迷可以坐定定听歌唔好打搞到佢。其实由比赛至今，景顺都获得好多粉丝支持，难道仲未习惯？我哋嘅主播许文轩就提议景顺可以同粉丝一齐坐住唱歌，景顺就笑言唔好，惊守身如玉会被攻破摸蚀咗。相反吴亦伟就好享受大家比佢嘅热情，觉得呢份支持系佢嘅动力，令佢更尽情演绎歌曲，期待与观众互动。

早前 郭富城 喺马来西亚开骚，景顺都有去捧场，仲被城城选中一齐玩跳舞battle令佢好兴奋，景顺仲系访问到向城城提出一个请求，问城城可唔可以请佢去做演唱会嘉宾，做暖场都好乐意，希望踏上天王跨年骚嘅舞台。