刘家良 师傅入室弟子、著名动作演员及龙虎武师 何麦 ，于上月五号猝逝，终年64岁。其女儿 何慈茵 一时难以接受爸爸嘅离世，曾关闭所有社交帐户。
直至何麦离世一个月，何慈茵终于打破沉默，喺社交平台忆述对亡父思念，佢于帖文写道：「爸爸何麦Mark Houghton离世后，承继佢嘅心愿同武学传统，成为我对佢最深切嘅怀念，亦系我愿意肩负嘅责任。接任岭南黄飞鸿洪拳传人-刘家洪拳的承继人，一直系爸爸嘅心愿。如今我接下这份责任，盼能完成佢嘅遗愿。」
何慈茵指爸爸一生敬重师父刘家良，佢对洪拳嘅热爱同热诚，都一直系自己敬佩并努力学习嘅榜样。佢会秉承爸爸嘅精神，与来自世界各地嘅师兄弟并肩同行，继续传承洪拳，弘扬武德，令呢门珍贵嘅武学薪火相传，发扬光大。何慈茵指前路虽长，但会怀著对爸爸嘅敬爱，坚定地走下去。
