李泳豪 悉心照顾老窦鼎爷 李家鼎 同时，亦积极开拓自己嘅事业。近日豪仔就迎嚟一个新挑战，首次参与综艺节目《家家有本美味的经》，仲系伙拍老窦鼎爷、 肥妈 同 陆浩明 一齐主持。豪仔话今次系父子档嘅初体验，成个过程充满挑战，亦有好多地方需要学习。
一众同事除咗爱锡豪仔之外，亦非常尊敬鼎爷，豪仔指首日拍摄圆满结束之际，一众同事贴心地安排咗特别环节，提早为鼎爷庆祝80岁大寿，佢由衷感谢大家对老窦嘅爱护同关怀。
孝顺仔喺帖文尾端写上「见到老窦如今身体健康、精神饱满，说话时依然声如洪钟、字字铿锵，真的深感感恩与欣慰。」相信呢份喜悦唔只系豪仔两公婆，亦系爱戴鼎爷嘅观众同样最想见到的。
