台庆剧《璀璨之城》今晚（6号）将会播出大结局，观众都好想知道 张智霖 同 吴卓羲 饰演嘅官孝贤同官孝君最终会点？结局周嘅剧情令观众都睇到好虐心，好似一齐跌落呢个官家嘅斗争当中。
myTV SUPER重温《璀璨之城》豪门家族争产
喺咁沉重嘅剧情当中， 陈滢 就喺社交平台PO出一条喺拍摄期间拍低嘅片，相信可以令观众喺收睇大结局前放松一下。
一向鬼主意多多嘅陈滢，拍低咗自己整蛊成个剧组嘅片段，佢拎住三个利是封，然后向逐个演员讲话抽利是封考IQ题，不过事实系利是封内藏机关，只要一打开就会有嘢弹只手，大家都被吓一跳。中招嘅艺人包括 姜大卫、 张智霖、 吴卓羲、 高海宁、 张曦雯、 陈炜、 蒋祖曼、 郑子诚、 周志康等，当中Chilam笑住口话「点解咁对我。」然后作势打陈滢，喺众多受害人入需，最大反应系 蒋家旻，佢被吓到呱呱叫弹起。而最冷静嘅就系 江美仪 ，完全冇反应，不过终极冠军嘅系监制 陈维冠，连陈滢都话点解咁冷静，监制就话因为见惯大场面。
