冯德伦 日前喺公开活动上被传媒追问旗下艺人 谭旻萱 同 黄泽林 相恋一事时，Stephen即眼望 周秀娜 偷时间谂谂点样回答，估唔到呢日娜姐同 邓丽欣Stephy 喺首映活动上，与 谭旻萱同门嘅Stephy被追问事件时，又复制咗呢一幕，Stephy同样望住周秀娜偷时间，场面搞笑。之后Stephy解释自己啱啱返香港，唔太知发生乜事，只系从媒体上睇到消息，而娜姐就笑指下次可以等佢唔在场时先再问呢个话题。
今次喺新戏中，娜姐同stephy饰演保龄球手，两人事前都为咗投入角色特训，虽然经过训练，但到真实拍摄时有好多动作都有难度，加上佢哋本身打保龄唔叻，所以喺镜头前要捕捉佢哋好自信全中一刻有啲难度，因为其实镜头后个波好多时已经碌咗落坑。
Stephy早前远赴夏威夷出席电影节，不过因为时间仓促无缘享受当地阳光与海滩，但观众嘅反应就带俾佢一份好炽热嘅感觉，更有粉粉丝提议Stephy到当地开骚，Stephy仲话想揾埋娜姐做嘉宾。
