玄彬、孙艺珍一对模范夫妻上年于《第46届青龙奖》同时获封影帝影后殊荣。日前两位结伴出席手印活动，为月底举行嘅《第47届青龙奖》宣传造势。孙艺珍忆述上年得奖时，感觉好似发咗一场梦，佢话当年定下其中一个目标就系问鼎《青龙奖》影后，喺2007年首次完成目标，估唔到将近廿年后再次夺得，仲要同老公一齐获奖，非常荣幸，佢笑言下次称后时，希望唔使再等廿年。
玄彬喺令佢夺得影帝奖嘅电影《哈尔滨》中，饰演一位韩国民族英雄，更因为压力太大而消瘦。孙艺珍固然心痛老公，但佢就话自己更辛苦，因为老公拍摄时，自己啱啱生完小朋友，此话引起全场大笑，不过佢话老公要饰演历史人物，当然好辛苦。
