台庆剧《璀璨之城》11月6号播出大结局，剧中演员们下午先喺澳门现身参与花车巡游同粉丝见面，之后就陪住大批观众睇大结局，相信好多人见到官孝贤嘅下场都觉得佢罪有应得。
为咗隆重其事 张智霖 吴卓羲 张曦雯 江美仪 高海宁 陈滢 陈晓华等，个个都盛装赴会，好似一齐参加一场豪华Party一样。
唔少演员同观众一样，唔舍得呢套剧落幕，洪海允同官孝贤呢对CP成为过去式，高Ling亦发文对剧集嚟个总结，并向出演角色Say Goobye以及永别官孝贤。江美仪亦多谢大家支持《璀璨之城》「你哋嘅热情我全部感受到！多谢大家喜欢丁丽明呢个角色」。而张曦雯亦出post希望大家记得Kate。
而喺剧中客串过足戏瘾嘅蔡一智 ，今次出演角色做得入型入格获赞，佢都好记挂自己角色，公开佢同Ron及剧中细佬周志康喺K房拍摄时排戏嘅片段，仲留言话孝君真系唔唱K，细佬唱歌好好听，睇得出佢哋合作时大家都好开心。
