林芊妤 去年宣布怀有二胎，亦经历胎儿染色体异常一事令佢近乎崩溃，好在BB女Rea健康出世。一向视一对仔女系宝贝嘅Coffee对囡囡嘅一岁生日极度重视，仲大搞生日会，被朋友形容隆重程度超越当年结婚。
Coffee喺社交平台分享连串生日会靓相以及一家四口家庭照，细说幸福之外仲有成为妈妈嘅辛酸。佢坦言自己8年前生咗大仔后，先知道庆祝小朋友生日嘅重要性，仲话「妈妈根本就系最神奇最伟大嘅魔术师」因为小朋友嘅一切都系自妈妈身体生长而成，怀孕9个月系打咗一场只有自己先知嘅硬仗。
Coffee又话：「过咗一岁就好似跨过咗一个大嘅关口，单纯谂吓就已经觉得1岁生日好需要大搞特搞庆祝下，跟住再同自己讲返声，辛苦晒🥹❤️我已经做得好好同好叻架。」之后又总结第一胎经验，发现BB一开始最需要系父母，所以决定将囡囡最宝贝嘅幼儿时间返俾自己，唔催促囡囡长大，仲好珍惜呢段亲子时光，同埋要影多啲家庭相，留住一家人每个珍贵时刻。
