朱敏瀚、周嘉洛、高海宁主持嘅节目《Grand住去首尔》每集带大家发挖韩国好玩好食嘅地方，三位先前喺宣传记招表示对呢趟奢华之旅念念不忘。但最令朱仔深刻嘅，并唔系喺吃喝之上，而系同韩国演员金钟国见面！
作为「力的代表」嘅金钟国拥有健硕身形，系唔少健身人士嘅偶像，朱仔都系Fans之一。朱仔喺 拍摄时已经完全露出心心眼，仲话喺金钟国示范做健身动作时闻到对方嘅味道。而朱仔近日就喺社交平台分享拍摄节目嘅花絮照片，第一张相就系同金钟国嘅合照，仲有佢同嘉洛、金钟国喺健身房嘅拍摄花絮，配文开心写：「我系比金钟国操过嘅男人」同埋「好香」，净系睇字都感受到朱仔有几咁开心。
唔少网民都话羡慕朱仔追星成功，就连吴业坤都有留言：「可唔可以帮我令佢间接操埋我」睇嚟同金钟国健身系好多人嘅梦想。
《Grand住去首尔》星期六晚 20:00 翡翠台