谢霆锋 日前现身香港一个品牌开幕活动，霆锋以一身西装、戴住黑超出场，亦满脸笑容向现场追星嘅大批粉丝打招呼。
呢次活动亦系谢贤今年七月病逝之后，霆锋首次现身香港出席公开活动。霆锋早前虽然经历丧父之痛，但就冇影响工作，继续内地巡演。而霆锋日前喺温州开骚时，因为表演太过投入而不慎喺台上跌倒，之后仲有现场观众向台上锭萤光棒，直接击中霆锋大髀。不过佢表现专业，只系望一眼就继续演出，敬业嘅表现令唔少粉丝既心痛又佩服。
同样受邀出席开幕礼嘅仲有刘銮雄一家，大刘撑住拐杖行前，太太甘比就带住女女紧随其后。之后霆锋除低黑超换上普通眼镜，同老板杨受成一齐主持开幕礼。