卫诗雅纯白仙气造型现身 唇上伤痕当作特色记号

卫诗雅 日前坐游艇现身维港出席护肤品牌活动，一身纯白色造型仙气十足，Michelle笑言自己好似新娘子出嫁嘅打扮一样。

Michelle早前因拍戏受伤，令嘴唇上嘅伤口留有疤痕，经过努力治疗已经康复当中，更重要嘅系Michelle有位医美老公帮手，为佢做一啲光学疗程助减退疤痕，不过做完疗程后接触阳光系大忌，活动当日阳光普照，所以佢都立刻贴上疤痕贴阻隔紫外线。Michelle话对伤痕接受，自己同老公都尽力去处理，现阶段只能放松心情，笑指将疤痕当系自己一个特色。