伍允龙与导演派麻糬贺票房高收 黄锎爆张家辉喺片场钟意唱歌

伍允龙 有份参演嘅电影票房报捷，为咗答谢观众支持，佢联同两位导演黄绮琳同黄锎现身闹市派麻糬，Philip仲同市民互动猜包剪揼同签名留念，佢哋都好开心票房有好成绩，黄绮琳已有计划邀请原班人马再合作，并提议功夫喜剧加唱歌。

一众演员之前为票房定下派福利目标，期待见到Philip裸跑派福利，Philip同两位导演都话虽然对票房有信心，但Philip话若果要佢祼跑，起码要操两个月，唔知大家等唔等到呢？

日前张家辉宣布明年农历年开红馆骚，大家都非常期待，黄绮琳希望家辉会预留门票俾电影团队，而黄锎就大爆家辉喺拍戏时已经话会开骚，仲不时好好唱口。