王菲 经典金曲《季候风》近期因国际巨星The Weeknd喺巡回演唱会香港站播出，再次卷起一阵风潮，好友 刘嘉玲 亦爆料指The Weeknd曾希望邀请王菲合作演出，惜未能成事。
王菲虽已久未喺香港公开亮相，但佢标志性嘅歌声同高冷气质一直令歌迷念念不忘。而随「王菲热」再起，佢首次演出嘅TVB经典剧集《原振侠》亦再引发网民集体回忆。
同《季候风》一样1993年播出嘅《原振侠》，可以堪称系集结全城颜值顶峰，剧集由天王 黎明 饰演男主角原振侠，加上汇聚港姐冠军 李嘉欣 朱茵 洪欣 同 当年仍使用艺名 王靖雯 嘅王菲 等美女，阵容可以话空前绝后。而当年TVB资讯节目《K-100》嘅探班片段当中，担任主持人嘅宣萱访问首次踏足电视圈拍剧嘅王菲，为观众揭开女特工海棠嘅神秘面纱。
宣萱问道首次拍剧嘅佢面对咩困荃时，留住一头俐落长发、神采飞扬嘅王菲坦言「好多棘手嘢」，又坦言自己缺乏演戏经验，既要念对白又要做表情，更笑言非常紧张：「读对白又要顾及语气，又怕自己广东话讲得唔够正，好多嘢要照顾！」
至于剧中饰演女特工「海棠」，佢就指角色需要打得，虽然有替身协助，但唔少动作场面仍要亲身上阵，大叫辛苦。当宣萱打趣问佢角色系咪同名曲一样「容易受伤的女人」时，王菲就笑住回应话：「表面上好坚强、打得好厉害，人好冷酷，但一遇到原振侠就钟意咗佢，最终亦都成为容易受伤嘅女人。」
