TVB近日深夜重播由 张家辉 同 宣萱 等主演嘅爆笑古装剧《骗中传奇》，早前家辉指会晚晚追细味呢部佢嘅满意之作，而近年不时上网同大家互动嘅Jessica，一样对当年嘅拍摄觉得非常回味，更指当时拍摄非常辛苦，仲直接向监制申诉。
佢话当时剧集边写边拍，令休息时间非常少，幸后来慢慢改善，亦都晚晚追睇重播剧情，勾起唔少美好回忆。回忆中当然亦包括被家辉整蛊嘅笑料，佢再记得就系家辉成日扮狗吠，再用手「咬」佢双脚，吓到佢大叫，仲每次都会中招咁话。
家辉农历新年将登上红馆开骚，不过Jessica就指新正头开骚几日自己都唔喺香港，会同古仔身处拉斯维加斯演出，所以无缘捧场或者担任嘉宾，觉得非常可惜呀。
Jessica呢日出席健康食品活动，仲大爆老友 古天乐 嘅饮食习惯同靠饮水减肥，不过自己就觉得太无趣而唔会跟从喇。
《骗中传奇》星期一至五深夜 23:55 翡翠台