吴岱融 同 钟淑慧 呢对恩爱多年嘅夫妻现身《一周星星》，当然有唔少故事同大家分享，而早年已认识两人嘅 陈展鹏 ，近年亦都不时合作，呢日佢就爆料话合作《隐门》时为求效果，原来就加入唔少即兴演出喇。
佢仲形容同岱融哥呢位经验丰富嘅前辈合作演出火花十足，不过就希望下一次唔好次次都搞到你死我活咁话，仲请教岱融哥点样可以每次演出都有唔同变化呀。
岱融哥就指演出前要提早思考，仔细研究剧本，例如《隐门》当年被 黄智雯 狂掴父女互打一段，就系用呢个方法即时提出讨论先成事喇。佢仲指希望继续拍摄唔同广东话作品，认为咁先会原汁原味情感更到肉呀。
《一周星星》星期日晚 21:30 翡翠台