电台年度篮球比赛日前举行，而拥有176cm身高优势嘅 刘颖旋 就凭佢惊艳全场嘅扎实篮球基本功同招牌亲切甜美笑容，成为全场观众同赛后讨论区热议嘅焦点。
Tiffany以24号红色球衣代表歌星队亮相球场，热身时动作就有姿势亦有实际，运球推进流畅，更展现出极具力量同准绳度嘅跳投，喺弧顶同外围多次出手都命中三分球，纯熟嘅手感同身体协调度有如正式运动员一样。连续投篮成功后仲不忘向镜头展示甜美亲切笑容，自信又迷人嘅阳光气质散发无限魅力。
其实Tiffany自细喺美国生活时就展现极高运动天份，曾为高中女子篮球队队员同队长，又曾代表球队参加加州高中联赛获得唔少奖项，篮球底子极为扎实。入行以来，佢更系身兼「文武双全」特质，拥有出众身高与匀称身材嘅佢，演艺事业更系以「搏命」著称——于多部剧集中都亲身上阵挑战打戏、动作场面同高难度体能训练，专业态度获圈内外一致好评。
今次电台篮球赛中，Tiffany就将运动员嘅硬朗英姿同女神甜美亲和力完美结合，更被唔少网友形容为「真．篮球女神」咁话。