《爱．回家之三代同糖》持续有「新」演员加入，日前TVB社交平台公开一张剪影合照，宣布仲新添两名新成员，而眼利嘅网民就瞬间已将剪影相片中嘅两人起底，仲发现系大家非常熟悉嘅「大小姐」 林淑敏 同「送水辉」 许家杰 。
而被网民揭穿呢个大惊喜之后，林淑敏亦于社交平台公开新相，仲写道：「用新的想像力出发吧💪🏻」，而许家杰亦于合照下留言话：「呢铺又有得玩喇🔥🔥🔥」令大家都非常期待佢哋加入令剧集有更大火花。
虽然官方尚未公布两人嘅角色同发展，不过已投入《三代同糖》演出嘅 欧瑞伟 同 李伟健 ，日前出席宣传活动时，就确认将同Mandy以及阿Jack重聚，仲希望大家一齐关注剧情发展呀。
《爱．回家之三代同糖》星期一至五 20:00 翡翠台