已故艺人 廖启智 与 陈敏儿 嘅长子 廖文哲，近年致力发展音乐事业，以 DJ 身份积极参与各大小型音乐活动。日前佢同朋友于派对中相聚，由于现场气氛相当高涨，故令文哲亦要一展舞技，岂料因为舞步过猛令佢意外骨折，结果要细佬 廖文信 凌晨三点揸车送佢入医院治疗。
廖文哲喺限时动态上公开自己脚上包上厚厚绷带嘅照片，佢喺相中无奈又幽默地留言，指自己享受音乐时非常过瘾，但无谂到「 dance with power moves（跳舞放大招）」嘅代价居然是意外骨折。
面对突如其来的伤势，廖文哲坦言下下周即将迎来中国小型巡演，但佢依然保持乐观心态，自嘲呢个或者系个「好兆头」，并向关心佢嘅朋友表示：「别太担心，我去过医院了，很快就会康复，不过短期内恐怕不能再跳舞或耍酷了。」
除咗伤情外，廖文信亦将哥哥坐喺轮椅上于医院嘅侧拍照PO于限时动态中。相中所见，坐喺轮椅上、戴著口罩嘅文哲，一手拎住电话，而手提电脑则放于大腿上，文信特别于相中写道：「DJ界黎生 断脚仍要工作」，而相嘅右上角则有显示为「3：07 AM」。事后文哲亦有转发细佬嘅限动，并感激细佬喺半夜三更愿意充当司机接送佢去医院就诊，感叹道：「都要多谢你呢位兄弟咁夜都愿意车我嚟睇医生」、「Taste of Sweet 」，展现出兄弟俩密不可分的深厚感情。
虽然一只脚骨折，但仍冇阻文哲跳舞，佢嘅朋友于限时动态中PO出文哲单脚跳舞嘅影片，并留言表示：「bro broke his leg but never give up dancing 」片中见文哲跳得相当稳阵，睇嚟大家真系唔使担心佢喇！
