台庆剧《玫瑰战争》即将首播，而一众演员唔止今日盛装现身迎接剧集播出，其实日前已经展开连串宣传攻势，先系去到中山，同一众当地观众率先欣赏预告片，其中 陈自瑶 被 傅嘉莉 拉弓掌掴一幕，更系睇到大家哗哗声呀。
Yoyo就解释呢场戏中戏入面Kelly故意NG向佢掴完再掴，吓到 杨茜尧 以为两人面和心不和，知道系剧情先舒一口气呀。不过Yoyo就要求Kelly唔好迁就而真打，务求效果更好呀。
而 马国明 就指中山观众反应非热烈，令佢哋大家都非常高兴呀。至于 林夏薇 就预告唔少剧情都睇到自己「哗」埋一份。而身为剧本原著作者嘅 吴沚默 就指薇薇嘅角色可以话不择手段而编剧仲为佢安排 黄庭锋 饰演细佬令角色更立体呀。
星期日大队就返到香港，以电车巡游形式宣传新剧，茜尧仲公开献唱近日大热嘅《季候风》，之后又到闹市派纪念品。而 陈展鹏 就指现场嘅围观朋友都非常热情， 陈桢怡 更以印尼文呼吁家佣姐姐一齐捧场，展鹏仲指今次演出会喺Kelly同Celina之间周旋，不过就留雨情感嘅悬念，叫大家一定要留意呢段复杂关系呀。
台庆剧《玫瑰战争》星期一至五晚 20:30 翡翠台
