处境剧《爱．回家之三代同糖》宣传非常密集，呢日多位成员又再喺闹市出现，到北角街市同街坊近距离交流，而 欧瑞伟 同 李伟健 仲著住肌肉装带头率先行入街市，受尽大家欢迎。 KC 同Terry喺处境剧合作多年，今次再合作默契自然十足，佢哋仲确认另一对CP拍档即将加入呀。
myTV SUPER重温搞笑剧情
虽然近日网上已略见端倪，不过消息由两人口中证实，大家就自然开心喇。虽然「弹弓口」，但系 林淑敏 同 许家杰 亦已于社交平台暗示同预告即将回归，相信好快大家就会见到佢哋现身剧集喇。
而剧中 周志康 同 罗毓仪 呢一对已经公开系夫妻关系，至于 赵浚承 就非常渴望有CP发展，仲话嬲 容天佑 抢走 何依婷 呀，不过两人就话一要演感情戏就非常怕丑又尴尬喇。
《爱．回家之三代同糖》星期一至五晚 20:00 翡翠台
