澳娱综合澳门上葡京综合度假村呈献嘅台庆剧《璀璨之城》上星期完满结束，大结局当晚全剧演员移师澳门出席连串活动，下午先出席花车巡游各区，又向澳门市民大礼物，之后就换装以华丽打扮出席喺上葡京酒店礼堂举行嘅结局播映活动。
而 张智霖 同 高海宁 睇到「官孝贤」悲剧下场，亦不禁感触落泪， 事后受访时Chilam仲话自己身为扮演者，非常明白孝贤嘅心情，所以心情就更加波动喇。而高Ling就指一直见证官家兄弟争执，到慢慢走向极端嘅过程，加上自己系身边人之一，所以令佢非常投入呀。
myTV SUPER重温《璀璨之城》豪门家族争产
Chilam整段戏一镜到尾，大家睇完演出都直指非常唔容易。而 蔡一智 扮演嘅反派角色，虽然同 周志康 下场都唔太好，不过阿智演出就被观众大赞，仲多谢大家唔讨厌自己，更希望以后有机会再合作，仲为即将开骚嘅阿康打气鼓励呀。
剧集于澳门多个知名景点实地取景，呢日重游当地，都勾起大家拍摄时唔少回忆，不论系澳门旅游塔、新马路一带、金碧坊等，大家都讲唔停，仲不时讨论拍摄当时嘅趣事。
