马国明 陈炜 刘佩玥 同四季中声唱将，日前盛装现身电视城，出席无线集团有限公司同腾讯音乐娱乐集团共同举行嘅战略合作发布会，见证双方签约仪式，宣布强强联手打造大湾区一站式粤语音乐文化新生态。
曾经喺大湾区开骚嘅阿Moon，对今次嘅战略合作非常期待，因为合作内容非常多元化，包括颁奖礼、音乐演出，存在好多机会。曾经同陈炜喺美国登台嘅马国明就大赞炜哥唱歌非常动听，完全系令人听出耳油嘅程度。而马明都好支持音乐上发展，因为音乐对一套剧嚟讲系好重要。
四季中声冠军齐集见证盛事，佢哋都期待自己嘅音乐，透过今次合作传遍整个大湾区。周吉佩希望有越多平台同地区可以推广作品，所以好荣幸可以参与。 古淖文 就话，希望TVB歌手同剧集都可以去到更远嘅地方。
黄博 早前同 李佳 喺广州开骚，见到好多大湾区嘅观众支持佢哋，所以都更期待之后音乐颁奖礼等活动有大湾区观众支持。尹景顺作为最新一届中声家族成员，佢就话好开心唔需要等待，一出道已经可以遇上咁好嘅平台，所以都好期待同开心。
对于歌手嚟讲，今次嘅战略合作系充满机遇， 张与辰 期待作品去到更多唔同城市，李佳希望可以同内地歌手合作，喺唔同音乐节发生。 郑家声 就话，自己接受做节目主持，不过最好可以一边主持一边唱歌。