台庆剧《玫瑰战争》嘅一众演员 杨茜尧 陈自瑶 傅嘉莉 林夏薇 姚子羚 等齐齐现身电视城，出席剧集首播盛会行红地毡同观众收睇首播。一众粉丝带齐应援物到场支持，令会场变成嘉年华一样。
总监制 钟澍佳 睇完首播后，就话感受到一众演员对自己嘅角色处理得非常细致，睇完第一集呢个版本后，就会发现有好多悬念，而喺每人微表情同细微动作中亦可以发现，后面仲有好多事会发生。
林夏薇、姚子羚同傅嘉莉首次现场献唱片尾曲《大娱乐家》，子羚同茜尧都话角色与角色之间嘅斗争非常精彩，尤其系眼神之间嘅角力，而精彩嘅化学反应全靠默契撞出嚟，唔需要事前特别沟通，只要对手抛个波出嚟就自然会接到。
剧集演员阵容强大，除咗女子组出彩，男子组亦云集 陈豪 陈展鹏 马国明 三位视帝。马明就话拍摄《玫瑰战争》期间，自己同时拍紧《飞常日志II》，所以𠮶段期间系由深圳同香港机场两边走，非常辛苦。
阿Mo虽然已经有段长时间冇同茜尧合作，不过佢话属于旧拍档嘅默契仲Keep到，更透露二人喺剧中有段看似密切，其实冷感嘅关系。展鹏喺剧中同Kelly一对，不过貌合神离，佢幽默表示，自己呢次演返一个人，唔似马明同阿Mo要做娱乐大亨。
Kelly自从剧集《张保仔》之后，再度跟陈展鹏同框演出，今次仲饰演一对夫妻，再续当年嘅情谊。Kelly都好感恩有呢个机会，仲可以俾展鹏睇到自己演技进步，希望自己嘅演技可以衬得返展鹏。
《玫瑰战争》星期一至五晚 20:30 翡翠台