星期日刚播出嘅一集《女神配对计划2》，首次有女神被淘汰出局，中段先加入嘅 梁超怡 被Foul，令其他女神们都非常伤心又不舍，佢仲指自己同求爱勇者们感情交集唔算多，亦有预计被Foul嘅心理准备。
而其他几位女神 阮嘉敏 陈若思 郭珮文 俞可程 何沛珈 同 陈星妤 都同心仪勇者成功配对，即将会同求爱勇者们过夜，不过当中Kannis就因为Oscar转投Roxanne怀抱而唔太开心，虽然事后佢向Zico戴上心动颈链时就强颜欢笑，令观众都纷纷讨论。
Kannis指当时心中有唔少期望，但现场知道Oscar变心时非常失落，不过事后已经平复咁话。
呢集勇者当中，Mark同Tony亦被淘汰出局，不过两人就成为朋友，事后受访时仲指玩得非常开心，佢仲笑指要加入花生团。而Tony仲笑指自己同女神间火花不足，不过就同勇者之间建立友谊，要认真跟大家学追女仔咁话。
《女神配对计划2》星期日晚 20:30 翡翠台