陈炜 陈敏之 姚子羚 傅嘉莉 等一众女艺人，呢日为下星期四晚举行嘅《万千星辉贺台庆》表演环节「炫舞女王」彩排，四位女王更即兴Freestyle除外套，令大家凉风之下都睇到火辣辣。炜哥同敏之更预告演出当晚将会更性感，又会喺台上换衫，而一连串嘅养眼演出，其实系想向多年来一众梳化服同事致敬，答谢佢哋嘅付出，令大家可以靓靓上镜。
为咗喺台庆有最好表演，子羚同Kelly都落足力练舞，而且子羚仲系相隔多年再献舞技，佢话自己只舞唔难记，但舞速快又要兼顾道具。另外Kelly系首次个人跳舞演出，所以心情紧张。
好快就到台庆夜，不过最近忙于宣传台庆剧《玫瑰战争》嘅子羚同Kelly就话仲未有时间准备战衣。Kelly话只系安排平日宣传剧集嘅衫已经够忙，另外子羚就话有件珍藏喺衣柜入面，如果真系无时间揾衫，就出动珍藏。
