周柏豪 向来畀人型格十足嘅形象，不过私底下嘅佢其实都有童心未泯嘅一面。12号 迎来42岁生日嘅佢，喺正日生日前夕，变身「周小朋友」去到麦当劳举行生日会，一圆多年来嘅心愿！
柏豪将生日会当日嘅照片PO到社交平台上，佢喺帖文中透露，细个嘅时候睇住身边唔少邻居、朋友及同学都可以喺麦当劳举办热闹嘅生日派对，心入面相当羡慕：「看著他们热闹庆祝，自己一直没机会拥有一场，心里满是羡慕。两年前转字头的时候，也曾有人问我要不要办一场麦当劳生日派对，当时因工作与时间关系，错过了。可能人大了，有好多想做却还没来得及完成的事，这阵子心里总是急著 ，想把心愿一一赶紧实现，幸好今天，先圆了这一个童年的梦。」
童心大发嘅柏豪，亲自策划咗呢场充满童年回忆嘅店生日会，当日以经典角色「汉堡神偷」嚟做生日主题，除咗柏豪同家人都齐齐换上黑白横间套装，戴上眼罩与红色手套，变身成汉堡神偷外，到贺嘅宾客亦都相当配合，全体穿上黑白横间上衣化身「坏人兵团」，场面既壮观又搞笑。
柏豪直言自己最爱就系呢个角色：「在麦当劳众多角色里，汉堡神偷一直是我的最爱，谢谢各位好友陪我疯，陪我闹，一起当『坏人』。条纹越粗代表越坏，哈哈。这天我笑到肚子痛，太好玩，太难忘了。」
