真人版《One Piece》（海贼王）自播出以来好评如潮，其中饰演「草帽海贼团」御厨「山治」（Sanji）嘅英籍男星 Taz Skylar，凭借绅士魅力俘虏全球无数粉丝。早前Taz Skylar因工作关系旋风式访港出席公开活动，虽然今次行程紧凑，但 Taz Skylar 同团队都抽出时间于各区漫游，体验香港独特嘅城市风貌，而身为草帽海贼团御厨嘅佢，更拉埋团队一齐挑战地道传统美食——皮蛋，展现出佢剧内剧外都对世界各地食材嘅好奇心！
向来热爱冒险与户外活动嘅Taz Skylar，趁住访港空档亲身走访香港各个标志性地点：山顶、尖沙咀、九龙城、旺角、太子、湾仔等地，从繁华嘅街景到充满历史感嘅小巷，佢以镜头记录低香港独有嘅魅力，更喺社交平台多次发帖文，分享呢次香港精彩嘅旅程花絮。
身为剧中嘅灵魂「厨师」，Taz Skylar对美食同样有份执著与热情。呢次香港之旅，佢同团队更入乡随俗，大胆试食皮蛋。这项充满挑战性嘅「黑色美食」考验到唔少外国人嘅接受能力，而Taz Skylar与团队尝试时嘅生动反应，亦相当搞笑，Taz Skylar将皮蛋送入口中咀嚼咗一阵后，即面有难色，最后更顶唔顺要走出店外「解决」口中复杂嘅味道。
