陈庭欣Toby、梁敏巧Maggie、何沛珈Roxanne 等六位东张女神呢日就现身台庆一场跑步竞赛做准备，六位更即场试跑展示体能，同埋上磅公开体重嘅秘密。
Maggie、Toby都话自己上磅前冇食早餐，而Roxanne就话有食，Toby就爆Roxanne喺朝早问佢饮唔饮朱古力奶添，听落似乎有啲机心，但Toby就解释指Roxanne系贴心，所以先问佢饮唔饮，而Roxanne表示，系因为呢日天气冻，又要拍摄，所以先会问大家要唔要饮热朱奶。
东张女神好跑得就系观众都知道嘅事，不过佢哋就话，最厉害嘅人系摄影师，因为佢哋净系拎住支咪跑，而摄影师系抬住器材，仲要令镜头好定，真系好劲。Maggie同Roxanne都话，其实PA、收音师呢啲幕后人员都好辛苦，每个都系负重而行，所以呢个比赛都可以邀请工作人员跑。
