饮食节目《美食强人》话咁快就到尾声，几位主持人 陈豪、 龚嘉欣、 林秀怡 同 陈浚霆 呢晚联同喺节目中出力嘅大厨们及幕后一齐举行庆功宴。
个个见到美味嘅乳鸽都急不及待落手品尝，个个食到舐舐脷，一碟唔够仲再嚟多碟，尤其喺节目中有得睇冇得食嘅阿Mo同嘉欣，更加系大饱口福，仲话如果有下次机会，佢哋想申请做试食专员，体验四出探店嘅滋味。喺节目中见识到咁多餐厅，廿四孝爸爸阿Mo都好想带小朋友去试吓，但就要揾到适合时机。
跟住《美食强人》揾食
一班主持人好唔舍得节目完结，加上节目咁受欢迎，佢哋同观众一样想有第二季延续，更重要嘅系大家可以合力推动饮食业，呢个系节目组嘅初心。
节目出街后，阿Mo同嘉欣都收到好多朋友询问佢哋餐厅资讯，而Andrew因为四出探店仲多咗个身份，就系负责帮好友订餐厅留位。秀怡就错过咗一间连谭咏麟都帮衬嘅拉面，大感失望。
