《女神配对计划2》正进行得如火如荼,节目唔止推高几位女神嘅人气,就连一众求爱勇者都开始累积粉丝,好似冷气师傅Oscar方智弘就率先跑出,甚至已经有品牌睇中佢嘅人气,邀请佢做一日店长。
而Oscar亦好勤力更新社交平台,除咗帮节目宣传,日前佢亦同已经淘汰嘅求爱勇者Mark吴俊峰一齐拍片,仲定时发放一啲靓仔相,咁识做,唔怪得两位女神俞可程、何沛珈都为佢沉晒船啦!![]()
另一位求爱勇者 李尔晨 早两个星期喺节目中细数同女神 陈星妤 超过10年嘅「好友」情谊,二人「友达以上、恋人未满」嘅暧昧关系,睇得观众好肉紧。不过上个星期陈星妤同另一位求爱勇者Oswald心意相通,即将共度春宵,Kyle亦被大家笑做兵做足10年,不过Kyle似乎已经决心放下,日前佢喺社交平台post一系列爆肌行山相,骚出成排朱古力,package咁好,相信就算最终得唔到女神芳心,出面都有大把市场喇!![]()
![]()
而讲到最幸福嘅求爱勇者一定系 吴旭东,佢为咗心仪嘅女神Mandy阮嘉敏,东东唔止考虑搬到深圳住,希望拉近地域上嘅距离。佢仲好努力学广东话,希望可以同Mandy更深入交流,日前东东就喺社交平台post自己用广东话买格仔饼嘅片,请大家帮佢一齐验收广东话学习成果,咁用心,相信Mandy一定可以感受到。![]()
《女神配对计划2》星期日晚 20:30 翡翠台