蔡志明夫人同女儿 蔡加敏、何太梁安琪、邓巨明夫人、黄玉郎、孙佳君、谭俊彦夫妇、马德钟夫妇、Amanda S.同刘浩龙现身慈善晚宴。近日喺香港演艺学院攻读戏剧电影制作艺术硕士课程嘅 胡杏儿 亦抽空现身，杏儿指重返校园令佢感到好开心，对于将来有无打算写剧本做导演？杏儿就话一步步嚟，但佢话「胡说八道会」嘅好姊妹好支持佢，仲话如果功课上需要佢哋帮手，佢哋一定会出手相助。
应届港姐冠军 袁丝珩 同季军 李泽欣 亦有现身盛会，两人近日都忙于为稍后举行嘅大型筹款活动做准备。而首次担任大型活动司仪嘅袁丝珩，就话开头都有少少紧张，但知道会拍住一班经验丰富嘅拍档，佢当堂松一口气。至于李泽欣亦表示自己开始熟习做《东张西望》主持，而且过程好开心又得到好多幕前演出嘅经验。
谷娅溦 最近开始一个广东歌嘅传承计划，将多首金曲重新灌录，佢话听咗好多前辈嘅歌曲，而当中嘅歌词，更深深打动佢，令佢越唱越投入。
