韩国天团 BIGBANG 来港举行四场演唱会，吸引大批粉丝朝圣，除咗香港本地粉丝，更有大批来自内地唔同城市嘅歌迷，佢地不惜长途跋涉，就系想见偶像一面。而喺芸芸歌迷中，亦见到一啲熟悉嘅面孔，好似名模琦琦， 吴业坤 同太太 浜口爱子， 陈豪 陈茵媺 两公婆， 龚嘉欣同好姐妹 谭凯琪 。
坤哥之前睇过GD个人骚，今次BIGBANG齐人访港，身为粉丝当然唔会错过，佢话自己周围扑飞，好好彩都顺利扑到，而太太滨口爱子话BIGBANG喺日本都好受欢迎，所以好期待睇骚。
Katy同Zoie呢对好姐妹难得夹到时间可以一齐追星，佢地除咗期待感受现场热力，仲话想乘机偷下师，事关真系有人想邀请佢地一齐开骚，而佢哋都希望可以尽快成事。
